Leviticus 11:1 ουοϩ α `πϭοις ςαϫι νεμ μωυςης νεμ ααρων εϥϫω `μμος
Leviticus 11:2 ϫε ςαϫι νεμ νενϣηρι `μπιςραηλ ερετενϫω `μμος ϫε ναι νε νιτεβνωουι ερετενεουομου εβολ ϧεν νιτεβνωουι τηρου ετϩιϫεν `πκαϩι
Leviticus 11:3 τεβνη νιβεν ετε νεϥϭοπ φορϫ ουοϩ ετωλι `ννιιεβ `ντε νεϥϭοπ ετφορϫ ουοϩ εϥινι `νουςαθμι επϣωι ϧεν ρωϥ ναι ερετενναουομου
Leviticus 11:4 πλην ναι `ννετενουωμ εβολ νϧητου εβολ ϧεν νη ετινι `νουςαθμι επϣωι νεμ εβολ ϧεν νη ετε `νουϭοπ φορϫ ουοϩ ετωλι ννουιεβ πιϫαμουλ ϫε ϥινι `νουςαθμι επϣωι ουοϩ ϥφωρϫ αν `ννιϭοπ `ντε ρατϥ φαι ϥϭαϧεμ νωτεν
Leviticus 11:6 ουοϩ πιχυρογλυλλιον ϫε ϥινι `νουςαθμι επϣωι `νϫε φαι ουοϩ νιϭοπ `ντε ρατϥ φορϫ αν φαι ϥϭαϧεμ νωτεν
Leviticus 11:5 ουοϩ πιρατφατ ϫε φαι ϥινι `νουςαθμι επϣωι ουοϩ νιϭοπ `ντε ρατϥ φορϫ αν φαι ϥϭαϧεμ νωτεν
Leviticus 11:7 ουοϩ πιριρ ϫε νιϭοπ `ντε ρατϥ φορϫ ουοϩ ϥωλι `ννεϥιεβ ουοϩ φαι ϥινι `νουςαθμι επϣωι αν φαι ϥϭαϧεμ νωτεν
Leviticus 11:8 `ννετενουωμ δε εβολ ϧεν `νουαϥουι ουδε φη εθμωουτ ντωου `ννετενϭι νεμαϥ ναι ϩανακαθαρτον νωτεν νε
Leviticus 11:9 ναι ερετενεουομου εβολ ϧεν νη τηρου ετϧεν νιμωου νη τηρου ετε ουον τενϩ μμωου ουοϩ ϣενϥι ϧεν νιμωου νεμ ϧεν νιαμαιου νεμ νιμουνςωρεμ ναι ερετενεουομου
Leviticus 11:10 ουοϩ νη τηρου ετε `μμον τενϩ μμωου ουδε ϣενϥι ϧεν νιμωου νεμ ϧεν νιαμαιου νεμ ϧεν νιμουνςωρεμ εβολ ϧεν νη τηρου ετουινι μμωου εβολ ϧεν νιμωου νεμ εβολ ϧεν ψυχη νιβεν ετονϧ ϧεν νιμωου ουωρεβ πε
Leviticus 11:11 ευεϣωπι ευορεβ `ντεν θηνου `ννετενουωμ εβολ ϧεν `νουαϥιουι νεμ νη ετμωουτ ντωου ευεϣωπι ευςοϥ νωτεν
Leviticus 11:12 ουοϩ νη τηρου ετϧεν νιμωου ετε `μμον τενϩ μμωου ιε ϣενϥι ουωρεβ νωτεν πε
Leviticus 11:13 ουοϩ ναι ορβου εβολ ϧεν νιϩαλαϯ ουοϩ `ννετενουομου ϩανωρεβ νε πιαϧωμ νεμ πινουρι νεμ πιαλλιατον
Leviticus 11:14 νεμ πινοϣερ νεμ πιθρε νεμ νη ετονι `μμοϥ
Leviticus 11:15 νεμ αβωκ νιβεν νεμ νη ετονι `μμοϥ
Leviticus 11:16 νεμ ςτρουθος νεμ γλαυκων νεμ λαρος νεμ νη ετονι `μμοϥ νεμ μουλαϫ
Leviticus 11:17 νεμ πιϣλωμβηϫ νεμ ϩιπ
Leviticus 11:18 νεμ πορφυρωνα νεμ ϯϩυμη νεμ κηκνον
Leviticus 11:19 νεμ ελϫωβ νεμ χαρατριον νεμ νη ετονι `μμοϥ νεμ ϩηππος νεμ ϫελϫου
Leviticus 11:20 νεμ νιϭατϥι τηρου `ντε νιϩαλαϯ νη ετμοϣι ϩι τουϥτο ϩανωρεβ νωτεν πε
Leviticus 11:21 αλλα ναι ερετενεουομου εβολ ϧεν νιϭατϥι `ντε νιϩαλαϯ νη ετμοϣι ϩι τουϥτο νη ετε ουον ςηβι μμωου ςαπϣωι ννουφατ ευωϣϯ νϧητου ϩιϫεν πικαϩι
Leviticus 11:22 ουοϩ ναι `ννετενουωμ εβολ νϧητου πιβρουχος νεμ νη ετονι `μμοϥ νεμ πιωπτακης νεμ νη ετονι `μμοϥ ουοϩ πετϯ νεμ νιϩοϥ νεμ πιϩοϥ νεμ νη ετονι `μμοϥ νεμ πιϣϫε νεμ νη ετονι `μμοϥ
Leviticus 11:23 ουοϩ ϭατϥι νιβεν εβολ ϧεν νιϩαλαϯ νη ετε ουον ϥτο `μφατ ερωου ουωρεβ νωτεν πε
Leviticus 11:24 ουοϩ ϧεν ναι ερετενεςωϥ ουον νιβεν ετναϭι νεμ νη εθμωουτ ντωου ευεϣωπι ευϭαϧεμ ϣα φναυ `νϩαναρουϩι
Leviticus 11:25 ουοϩ φη νιβεν ετναωλι εβολ ϧεν νη ετμωουτ ντωου εϥερωϧι `ννεϥϩβως ουοϩ εϥεϣωπι εϥϭαϧεμ ϣα φναυ `νϩαναρουϩι
Leviticus 11:26 ουοϩ ϧεν νιτεβνωουι τηρου φη νιβεν ετε νιϭοπ `ντε ρατϥ φορϫ ουοϩ εϥεωλι `ννεϥιεβ ουοϩ ουςαθμι εϥςαθμι `μμοϥ αν ευεϣωπι νωτεν ευϭαϧεμ ουοϩ ουον νιβεν ετναϭι νεμ νη εθμωουτ ντωου ευεϣωπι ευϭαϧεμ
Leviticus 11:27 ουοϩ θηριον νιβεν ετμοϣι ϩιϫεν `νουϫιϫ νη ετμοϣι ϩι τουϥτο ςεϭαϧεμ νωτεν ουοϩ ουον νιβεν ετναϭι νεμ νη ετμωουτ ντωου εϥεϣωπι εϥϭαϧεμ ϣα φναυ `νϩαναρουϩι
Leviticus 11:28 ουοϩ φη ετναωλι εβολ ϧεν νη ετμωουτ ντωου εϥερωϧι `ννεϥϩβως ουοϩ εϥεϣωπι εϥϭαϧεμ ϣα φναυ `νϩαναρουϩι ναι ςεϭαϧεμ νωτεν
Leviticus 11:29 ουοϩ ναι ςεϭαϧεμ νωτεν εβολ ϧεν νιϩαλαϯ ϭατϥι νιβεν ετμοϣι ϩιϫεν πικαϩι ϯκαλη νεμ πιφιν νεμ πιμςαϩ ντωου
Leviticus 11:30 νεμ πιαλιλ νεμ πιχαμηλεον νεμ πιανθους νεμ ϯαϥλελι νεμ πιςπαλαξ
Leviticus 11:31 ναι ςεϭαϧεμ νωτεν εβολ ϧεν νιϭατϥι τηρου ετϩιϫεν `πκαϩι ουοϩ φη νιβεν εθναϭι νεμ νη ετμωουτ ντωου εϥεϣωπι εϥϭαϧεμ ϣα φναυ `νϩαναρουϩι
Leviticus 11:32 ουοϩ φη νιβεν ετε ουον ουαι `ντε ναι ναϩει εϫωϥ εϣωπ αυϣανμου εϥεϣωπι εϥϭαϧεμ ιτε εβολ ϧεν ςκευος νιβεν `νϣε ιτε ουϩβος `ντε ουϣαρ ιτε ουςοκ ςκευος νιβεν ετουναιρι `νουϩωβ νϧητου ευεομςου ϧεν ουμωου ουοϩ ευεϣωπι ευϭαϧεμ ϣα φναυ `νϩαναρουϩι ουοϩ ευεϣωπι ευτουβηουτ
Leviticus 11:33 ουοϩ ςκευος νιβεν μβελϫ ετε ναι ναϩει εϧρηι νϧητϥ νη ετε νϧητϥ ευεϣωπι ευϭαϧεμ ουοϩ πιμοκι ευεϧεμϧωμϥ
Leviticus 11:34 ουοϩ ϧρε νιβεν ετετενουωμ `μμοϥ εϣωπ αϥϣανϩει εϫωϥ `νϫε ουμωου `ντε ναι εϥεϣωπι εϥϭαϧεμ νεμ ςω νιβεν ετετενςω `μμοϥ ϧεν μοκι νιβεν εϥεϣωπι εϥϭαϧεμ
Leviticus 11:35 νεμ νη τηρου ετναϩει ερωου εβολ ϧεν νη ετμωουτ `ντε ναι ευεϣωπι ευϭαϧεμ ϩανθριρ νεμ ϩανϩρω ευεουοϫπου ςεϭαϧεμ ουοϩ ευεϣωπι νωτεν ευϭαϧεμ
Leviticus 11:36 ϣατεν νιμουμι μμωου νεμ νιλακκος νεμ νιμανθωουϯ `ντε νιμωου ευεϣωπι ευουαβ φη δε ετναϭι νεμ νη ετμωουτ `ντε ναι εϥεϣωπι εϥϭαϧεμ
Leviticus 11:37 εϣωπ δε εβολ ϧεν νη εθμωουτ ντωου ντουϩει εϫεν ϫροϫ νιβεν `νςιϯ φη ετουναςατϥ ϥϭαϧεμ
Leviticus 11:38 εϣωπ δε αρεϣαν ουμωου φων εϩρηι εϫεν ϫροϫ νιβεν ουοϩ εβολ ϧεν νη ετμωουτ `ντε ναι ντουϩει εϫωϥ ϥϭαϧεμ νωτεν
Leviticus 11:39 εϣωπ δε `ντε ουον μου εβολ ϧεν νιτεβνωουι ναι ετϣοπ νωτεν εθρετενουομου φη νιβεν εθναϭι νεμωου τηρου εϥεϣωπι εϥϭαϧεμ ϣα φναυ `νϩαναρουϩι
Leviticus 11:40 ουοϩ φη ετναουωμ εβολ ϧεν νη ετμωουτ ντωου εϥερωϧι ουοϩ εϥεϣωπι εϥϭαϧεμ ϣα φναυ `νϩαναρουϩι ουοϩ φη νιβεν ετναωλι εβολ ϧεν νη εθμωουτ ντωου εϥερωϧι `ννεϥϩβως ουοϩ εϥεϫωκεμ ϧεν ουμωου ουοϩ εϥεϣωπι εϥϭαϧεμ ϣα φναυ `νϩαναρουϩι
Leviticus 11:41 ουοϩ ϭατϥι νιβεν ετμοϣι ϩιϫεν πικαϩι ουωρεβ νωτεν πε φαι `ννετενουομου
Leviticus 11:42 ουοϩ φη νιβεν ετμοϣι ϩιϫεν τεϥνεϫι νεμ φη νιβεν ετμοϣι ϩιϫεν ϯϥτο νςηου νιβεν φη ετοϣ `μφατ ϧεν νιϭατϥι τηρου ετωϣϯ ϩιϫεν `πκαϩι `ννετενουομου ϫε ουωρεβ νωτεν πε
Leviticus 11:43 ουοϩ `ννετενςωϥ `ννετενψυχη ϧεν νιϭατϥι τηρου ετωϣϯ ϩιϫεν `πκαϩι ουοϩ `ννετενςωϥ νϧρηι ϧεν ναι ουοϩ `ννετενϣωπι ευϭαϧεμ νϧρηι νϧητου
Leviticus 11:44 ϫε ανοκ πε `πϭοις πετεννουϯ ουοϩ ερετενετουβο ϫε ϯουαβ ανοκ `πϭοις πετεννουϯ ουοϩ `ννετενϭωϧεμ `ννετενψυχη ϧεν ϭατϥι νιβεν ετκιμ ϩιϫεν πικαϩι
Leviticus 11:45 ϫε ανοκ πε `πϭοις πετεννουϯ φη εταϥεν θηνου εβολ ϧεν `πκαϩι `νχημι εθριϣωπι νωτεν ννουϯ ουοϩ εθρετενϣωπι ερετενουαβ ϫε ϯουαβ ανοκ
Leviticus 11:46 φαι πε φνομος `ντε νιτεβνωουι νεμ νιϩαλαϯ νεμ ψυχη νιβεν ετκιμ ϧεν νιμωου νεμ ψυχη νιβεν ετωϣϯ ϩιϫεν `πκαϩι
Leviticus 11:47 ουοϩ εουωϯ εβολ ϧεν θμηϯ ννη ετϭαϧεμ νεμ ϧεν θμηϯ ννη εττουβηουτ ουοϩ ετςαβε νενϣηρι `μπιςραηλ ϧεν θμηϯ ννη εττανϧο ννη ετε ουουομου νεμ ϧεν θμηϯ ννη εττανϧο ενη ετε `μπαυουομου